Повеќе од 13.500 луѓе веќе влегле во Ерменија од азербејџанскиот регион Нагорно Карабах, соопштија денеска ерменските власти.
Сè поголем број етнички ерменски бегалци бегаат од Нагорно-Карабах откако Азербејџан минатата недела го зазеде спорниот регион, во кој живеат околу 120.000 етнички Ерменци.
„До 08:00 часот на 26 септември, 13.550 внатрешно раселени лица влегле во Република Ерменија од Нагорно-Карабах. Податоците од регистрацијата на 11.000 од нив се веќе обработени, а причините за 2.550 лица се уште се расчистуваат“, се наведува во соопштението на ерменската влада на социјалните мрежи, пренесува РИА Новости.
Владата на Ерменија соопшти дека „сите граѓани кои немаат однапред одредено место на живеење ќе се обезбеди соодветно сместување“.
Ерменија е подготвена да ги прифати сите етнички Ерменци, сонародници кои имаат намера да го напуштат Нагорно Карабах, изјави претходно ерменскиот премиер Никол Пашинјан во своето обраќање до нацијата.
Околу 120.000 Ерменци од Нагорно-Карабах планираат да заминат во Ерменија бидејќи не сакаат да живеат како дел од Азербејџан и се плашат од етничко чистење, изјави Давид Бабајан, советник на претседателот на отцепениот непризнаен регион.
Бабајан за Ројтерс изјави дека Ерменците не сакаат да живеат во Азербејџан и дека 99,90 отсто од нив ќе го напуштат Нагорно Карабах поради тоа.