Ние не сме институција која може да каже дали ќе се одложи пописот или нема. Ние имаме донесен закон и единствена институција која може да каже за нешто вакво е парламентот, изјави директорот на Државниот завод за статистика Апостол Симовски, за емисијата „Жешко политичко лето“.
Според него, тие како институција и во периодот на март, кога беа подготовките за пописот, кажуваа дека се максимални подготвени за него.
-Ќе ги примените сите потребни мерки, за никој од населението да не биде во опасност да заболи од вирусот. Можеме да го спроведем пописот и ќе примениме се што е предложено од Комисијата за заразни болести. Кога ќе го направиме конечниот список на попишувачи, ќе додадеме податок колку од нив се вакцинирани, а колку од тие што не се вакцинирани, би примиле вакцина, информира Симовски.