Според глобалната оценка на пасошите за 2017 година, Сингапур има најсилен пасош на светот, додека Македонија се наоѓа на 41 место од вкупно 94 земји и нашите граѓани може да патуваат без виза во 108 земји.
Глобалниот рејтинг го изработи фирмата Arton Capital, а земјите се рангирани според безвизниот режим, односно според бројот земји во кои нивните граѓани може да патуваат без виза. Така на пример, сингапурскиот пасош има оцена 159 и е најдобар. Ова е прв пат азиска земја да го заземе првото место по јачина на пасошот на листата на Arton Capital.
Втора земја со најсилен пасош е Германија, а следат Шведска, Јужна Кореја, Данска, Финска, Италија, Франција, Шпанија, Норвешка, Јапонија…
Кога станува збор за земјите од регионот албанскиот, босанскиот и црногорскиот пасош се послаби од нашите, па се наоѓаат на 47, 46 односно 43 место. Србија има појак пасош од македонскиот и е на 38 место на листата со оцена 113. Хрватска предничи и е на 14 местото покрај Бразил со оцена 144 за безвизен режим, а тука е и Бугарија на 15 место. Најдобро пласирана од нашето окружување е Грција која се наоѓа на 7 место.
Британците можат слободно да влезат во 156 држави, Американците во 154. Најслаби пасоши се на Авганистан, Ирак, Пакистан и Сирија. Тие без виза можат да влезат во околу 20 земји.