Сити со сомнителни судиски одлуки направи пресврт и се пласира во полуфиналето

Одличен натпревар одиграа Свонси и Манчестер Сити, а на крајот со голем пресврт Сити успеа да обезбеди пласман во полуфиналето во ФА купот.

Манчестер Сити беше голем фаворит на гостувањето кај второлигашот Свонси, но на крајот составот на Пеп се спасуваше во последните моменти, откако губеше на полувреме со 2:0.

Домашниот тим дојде до водство по головите на Гримес во 20. минута од пенал и на Целина во 29 минута.

Сити во тие моменти беше на колена, но во продолжение на натпреварот се врати и на крајот дојде до голема победа и пласман во полуфиналето.