Како да го забрзате метаболизмот на природен начин? Промената на животниот стил, различната исхрана и воведувањето физичка активност доведуваат до посакуваните промени.
Бидејќи појадокот е најважниот оброк во текот на денот, важно е да внесете нешто здраво и квалитетно во организмот. Зеленото смути е идеален начин да го започнете денот. Полн е со растителни влакна, што прави да се чувствуваме сити подолго време и истовремено да го хидрираме телото.
Нутриционистите истакнуваат дека смутито не треба да биде замена за оброк, но се препорачува да го пиете пред или после здрав појадок. Со комбинирање на свежо овошје и зелен зеленчук, можете да добиете хранлив и освежителен пијалок кој ги обезбедува потребните количини на витамини и минерали.
За ова смути ви е потребно:
50 гр свеж спанаќ
1 банана
1 стебленце целер
1 зелено јаболко
50 мл вода
Подготовка:
Овошјето и целерот измијте ги и исечкајте ги на коцки, па ставете ги во блендер. Кога овошјето ќе се претвори во каша, додадете вода и повторно вклучете го блендерот.
Најдоброто нешто за смути е фактот дека секогаш можете да додадете овошје и зеленчук што ги сакате или пак овесна каша.