Утрово во Скопје на спомениците на централниот плоштад Македонија може да се видат написи со објаснување за спомениците дека се од антиката и елинистичката култура и цивилизација, и дека во чест на Александар Велики тука е поставен како воин на коњ.
На плочката под споменикот на Воимот на коњ пишува :
Во чест на Александар Велики, историска фигура која припаѓа на античката Хеленска историја и цивилизација и на светското културно и историски наследство. Овде е претставен како воин на коњ”.
На споменикот на Филип:
Во чест на Филип II Македон, историска фигура која припаѓа на античката Хеленска историја и цивилизација и на светското културно и историски наследство. Овде е претставен како антички воин.
на ОЛИМПИЈАДА:
Во чест на Олимпија, историска фигура која припаѓа на античката Хеленска историја и цивилизација и на светското културно и историски наследство.
Овие активности се согласно Преспанскиот договор, членот 8 став 2 во кој се вели дека:
“Во рок од шест месеци од влегувањето во сила на оваа Спогодба, Втората страна ќе го преиспита статусот со спомениците, јавните згради и инфраструктурата на нејзината територија и доколку истите на кој било начин упатуваат на античката елинска историја и цивилизација, што претставува составен дел од историското или културното наследство на Првата страна, ќе преземе соодветни корективни дејствија со цел делотворно да го разгледа прашањето и да обезбеди почитување на таквото наследство.
Таблите ги постави Град Скопје во чија надлежност е оддржувањето на спомениците во центарот на градот, а во другите општини и градови се очекува исти табли да бидат поставени од локалната самоуправа, во текот на утрешниот ден.
Спомениците во центарот на Скопје се под 24 видео надзор и редарска служба од Град Скопје.
Обврските од договорот се имплементираат согласно договорот и предвидената динамика.
Обврските и трошоците поврзани со имплементацијата на договорот се на товар на надлежните јавни институции кои ги имплементираат предвидените активности.
Преспанскиот договор создава обврски за државите и јавните институции на двете страни. Тие се задолжени за неговата имплементација.
Договорот не создава обврски за приватни лица и приватни ентитети, но државата и јавните институции ги охрабруваат и поттикнуваат приватните лица и приватните ентитети доследно да го почитуваат и применуваат договорот во пракса.