Србија: Сојуз за Србија утре ќе го блокира влегувањето во РТС

Сојузот за Србија соопшти дека утре ќе ги блокира сите влезови во зградата на РТС од 12 до 20 часот, незадоволни од известувањето на јавниот сервис.

Претседателот на СзС, Вук Јеремиќ, на прес-конференција рече дека тоа е и предупредување и апел до чесните луѓе на РТС да почнат професионално да се занимаваат со својата работа.

Според него, тоа значи интервју со Александар Обрадовиќ од Крушик, Марија Лукиќ, која води спор против поранешниот градоначалник на општина Брус, Милутин Јеличиќ или новинарот Милан Јовановиќ од Гроцка.

Јеремиќ додаде дека митингот бил пријавен во полиција, но не добиле дозвола бидејќи не го пријавиле навреме, пет дена пред одржувањето.