Женскиот бенд Хјурикејн ќе ги претставува Србија на Евросонг. Песната со која ќе настапат во Ротердам е Hasta la vista, а доби најмногу гласови на нивниот избор, Беовизија.
Бендот основан во ноември 2017 година го сочинуваат Сања Вучиќ, Ивана Николиќ и Ксенија Кнежевиќ од Србија, следејќи ја својата њубов кон R&B и поп музиката и планирајќи дека заедно можат да остварат меѓународна кариера.
По четири снимени песни на англиски, лани ја снимија песната Favorito на српски јазик и во десеттина дена собраа шест милиони прегледи. Вниманието кон песната го привклекоа и жешките сцени во неговиот спот.
Сања Вучиќ веќе ја претставувала Србија на Евросонг во 2016 година, а тогаш српските медиуми се распишуваа за наводниот сканда. Имено, The Sun тогаш објави дека Сања се обидела да го заведе британскиот претставник Џо Вулфорд и дури и се обидела да го наговори да дојде во нејзината хотелска соба.
Ксенија Кнежевиќ е ќерка на познатиот српски пејач Ненеад Кнежевиќ Кнез, а на Беовизија се пробала и во 2013 година како седумнаесетгодишна. Настапила со пријателките Анџела Вујовиќ и Дана Гашиќ, но не постигнале успех. Четири години е во среќна врска, а името на својот избраник вешто го крие.
Ивана Николиќ во средина на медиумското внимание заврши минатиот февруари, кога на социјалните мрежи објави фотогравија со Џони Деп, кој тогаш престојувал во Белград.
„Џони е многу љубезен. Му пријдов и го замолив да се фотографираме. Седеше на другата страна. Обезбедувањето не правеше проблем. Му кажав дека сум пејачка и му ги покажав спотовите на мојот бенд и му открив дека настапувавме на Карибите. Се надевам дека ќеимаме прилика, доколку се сретнеме на островот, да присуствува на наш настап. На крајот разменивме мејлови“, раскажала таа тогаш.