Десетици потенцијални кандидати за порота во судскиот процес против Доналд Трамп поради тајни плаќања на порно ѕвездата Сторми Даниелс не беа избрани бидејќи рекоа дека не можат непристрасно да одлучат дали поранешниот американски претседател е виновен или невин за кривичните пријави.
На почетокот на историското судење, првото во кое беше инволвиран поранешниот американски претседател, судијата Хуан Меркан им рече на група од речиси 100 потенцијални поротници дека мора да ги остават настрана сите предрасуди или лични ставови за обвинетиот или случајот, вклучително и „политичката ориентација“, јавува Гласот на Америка.
Најмалку 50 од нив не беа избрани вчера, откако рекоа дека не можат да бидат непристрасни во судењето на Трамп, републиканскиот кандидат за претседател на овогодинешните избори.