234
Во изминативе 24 часа во светот се регистрирани повеќе од 817.000 пациенти со коронавирус, а починаа околу 13.400 лица, соопшти денеска Светската здравствена организација.
Повеќе од половина од новите случаи се откриени во Југоисточна Азија, вклучително и Индија (423.364). 205.327 случаи се потврдени во Северна и Јужна Америка, а 124.715 во Европа, пренесува ТАСС.
Најголем број случаи се уште е регистриран во САД, повеќе од 32 милиони, по што следи Индија со речиси 22 милиони заразени и Бразил, каде се потврдени 15 милиони случаи.