Актуелно
Почетна / TOP NEWS / СЗО предупредува дека допрва ни следи катастрофа: Пандемијата се влошува, јуни беше ужасен

СЗО предупредува дека допрва ни следи катастрофа: Пандемијата се влошува, јуни беше ужасен

Светската здравствена организација (СЗО) соопшти дека 60 отсто од 10 милиони пациенти ширум светот се регистрирани во јуни, што покажува дека епидемијата се влошува, а не ослабува.

Директорот на СЗО, Тедрос Адана Гебрехесус, рече дека се регистрираат до 160.000 случаи дневно и ги повика сите земји да преземат сеопфатен пристап во борбата против вирусот.

– Пронајдете, изолирајте и водете сметка за секој случај, следете ги и карантинирајте ги нивните контакти, обучувајте ги и опремувајте ги здравствените работници, едуцирајте ги и оспособете ги граѓаните за да можат да се заштитат себе си и другите – рече Тедрос.

Тедрос предупреди дека земјите што применуваат само дел од мерките имаат „долг пат“, пренесува „Гласот на Америка“.
– Не само тестирање. Не само физичка дистанца. Не само следење контакти. Не само да носат маски. Туку се одеднаш – рече тој и истакна дека една од работите што ги научил во изминатите шест месеци е дека никогаш не е доцна да се промени ситуацијата во една земја.

Директорот на СЗО напомена дека носењето маска понекогаш може да спаси живот.

loading...