Понекогаш игнорираме некои промени во телото, кога всушност треба да обрнеме внимание на сигналите што телото ни ги испраќа. Многумина, на пример, не знаат дека симптомите на покачен холестерол се забележуваат на рацете, поточно на ноктите.
Кога артериите се затнат поради високите нивоа на холестерол, обично нема очигледни предупредувачки знаци, а оваа состојба може да доведе до срцеви заболувања или срцев удар.
Затоа експертите советуваат да внимавате на ноктите, бидејќи еден од ретките симптоми на покачен холестерол е бледата боја на вашите нокти.
Лошата циркулација е резултат на акумулираните масти во крвните садови кои ја носат крвта подалеку од срцето, како и од другите делови на телото. Ова значи дека ако вашите нокти станат бледи или стануваат екстремно кршливи, тоа може да укажува на слаба циркулација во екстремитетите.
Д-р Моника Васерман истакнува дека високиот холестерол обично има „тивок напад“, што го отежнува гледањето на какви било симптоми.
„Но, тоа не значи дека не можете да препознаете покачено ниво на холестерол во телото. Еден од предупредувачките знаци се ноктите. Високиот холестерол доведува до формирање на масни наслаги во артериите, а тие влијаат на циркулацијата, што резултира во бледи нокти“, објаснува докторката.
Истото може да важи и за ноктите на нозете – бледите, кршливи нокти, како и ноктите кои растат бавно, се потенцијални симптоми на висок холестерол.