Тројца водечки кандидати за наследник на германската канцеларка Ангела Меркел по парламентарните избори што ќе се одржат кон крајот на септември, ќе се соочат во втората телевизиска дебата в недела.
Во дебатата ќе се соочат Армин Лашет, кандидатот на конзервативниот блок ЦДУ / ЦСУ, во кој се и актуелниот канцелар, Олаф Шолц, кандидатот на социјалдемократите (СПД, лево-центар) и Аналена Баербок од Зелените, која ќе се емитува на телевизиите АРД и ЗДФ.
Според последните анкети, поддршката на СПД на Шолц изненадувачки се зголеми во август на околу 25 проценти.
Блокот ЦДУ / ЦСУ „лебди“ околу 22 проценти од поддршката, а Зелените се на трето место со околу 17 проценти.
Две недели пред изборите на 26 септември, трката за германски канцелар е тесна како и пред 16 години пред да ја преземе функцијата Ангела Меркел.
Се позагрижените конзервативци предупредуваат дека левицата може да ја преземе власта бидејќи, за прв пат од 2017 година, СПД ја надмина Христијанско -демократската унија ЦДУ / ЦСУ.
Истражувањето на „Дојчландтренд“ на почетокот на септември покажа дека граѓаните сметаат дека СПД е најкомпетентна страна кога станува збор за социјалната политика и борбата за поправедна распределба.
Шолц беше оценет како победник во првата ТВ дебата на тројцата кандидати одржана на 30 август.
Во таа конфронтација, Лашет најчесто разменуваше удари со Баербок, која ги обвини ЦДУ и СПД дека прават премалку за борбата против климатските промени, особено со оглед на разорните поплави ова лето.
Шолц остана смирен, фокусирајќи се на финансиски прашања како што се даноците и пензиите, и вети „општество што го цени почитувањето – почит кон секого“.
И покрај водството во анкетите, на СПД и понатаму му е потребна поддршка од двете партии за да може да формира влада.
Шолц избегнува изјави за можни коалиции во случај на победа.
Евентуалната коалиција на левиот центар со СПД, Зелените и Левицата е неприфатлива за многу социјалдемократи поради некои надворешнополитички ставови на Левица, како што се барањата за укинување на НАТО.