Тинејџер со нож нападнал соученици во училиште во Германија, повредени неколкумина

Утрово ученик повредил неколку соученици со нож во средно училиште во Вупертал во западна Германија, пренесува „Билд“.

Во 9 часот и 52 минути полицијата добила повик дека ученик нападнал други ученици во гимназијата и повредил најмалку четири лица.

„Напаѓачот потоа бил совладан и фатен на четвртиот кат од зградата околу 10:20 часот. И самиот тој е повреден, а се сомнева дека повредите сам си ги нанел“, соопшти полицијата.

Како што се наведува, полицајците го затекнале како седи на под облеан во крв.

Засега не е познато дали имал соучесник.