Таеквондистот Дејан Георгиевски славеше во 1. коло од олимпискиот турнир, победувајќи го актуелниот светски шампион Кубанецот, Рафаел Јуниер Кастиљо Алба со 11-8 на поени.
Героргиевски првата рунда ја доби убедливо со 5-1, втората со 5-2. Во последната решавачка влезе со предност од 10-3. Кубанецот се обиде да се врати, го намали резултатот, но Георгиевски успеа да го задржи големото водство и на крајот да слави со 11-8.
Георгиевски всушност успеа да го урне треторангираниот на Олимписките игри и актуелен светски првак, а во четвртфинале ќе се бори со Сејду Губане од Брегот на Слоновата Коска (8.35 по македонско време).
Македонија во историјата има само еден медал и тоа од ЛОИ во Сиднеј во 2000 година, кога Могамед Ибрагимов во борење освои бронза.