ТРАГЕДИЈА ВО РОМАНИЈА: Полициско возило прегазило едногодишно момче

од Stefanija Kuzmanovska

Момче кое имало само 17 месеци трагично настрадало кога било прегазено од полициски автомобил во Браила, Романија.

Полицијата била на должност и разговарала со родителите на момчето, додека малото момче си играло со своите браќа и сестри покрај автомобилот.

Во еден момент, без никој да забележи, момчето застанало пред возилото, а бидејќи се работело за џип, полицаецот не го видел кога тргнал.

Тој го удрил момчето и го прегазил со предното лево тркало.

Екипите на итната помош брзо пристигнале на местото на настанот и направиле обид за реанимација, но детето не можело да биде спасено.

Истрагата за трагичниот настан е во тек.

Според романските медиуми, полицаецот бил тестиран на алкохол на лице место и не било откриено присуство на алкохол во крвта.

Предметот е предаден на надлежното обвинителство.

Слични содржини