Трамп ќе разговара за укинување на воената помош за Украина

Американскиот претседател Доналд Трамп денеска ќе разговара за укинување на воената помош за Украина, на средба со клучните советници.

Претседателот ќе се сретне со високи советници, вклучувајќи ги Марко Рубио и Пит Хегсет, за да разгледаат низа опции, вклучително и укинување на помошта одобрена и платена од администрацијата на Бајден, објави Њујорк Тајмс.

Средбата ќе следи по јавната расправија меѓу Трамп и украинскиот претседател Володимир Зеленски во Овалната соба во петок.

Белата куќа, наводно, е поделена околу тоа како да се справи со Украина по расправијата, при што некои советници заземаат „екстремни позиции“ против Зеленски и неговата земја, објави Блумберг.