Пожарите беснеат ширум Грција, а голем број жители се евакуирани поради опасноста. Досега поради пожарот се изгубени 20 животи, а пожарникарите даваат се од себе тие бројки да не се зголемуваат. Нивната работа ја отежнува силниот ветер, кој на моменти ги прави немоќни. Сепак, тие не се откажуваат од борбата, а од огнот ги извлекуваат сите што се во неволја. Не само луѓето, туку и бројни животни.
Некои од нив успеале да се спасат, но талкаат изгубени, други чекале човечка помош. Снимени се пожарникарите кои ги оддалечуваат коњите од пламените јазици, луѓето кои им помагаат на исплашените овци, сопствениците како бегаат од опасност на мотори со кучињата во раце. Но, има и такви кои го почувствувале огнот на свој грб. Фотографирана е една желка со целосно поцрнета лушпа, но судејќи по сликата, таа имала среќа и успеала да преживее. Многу други шумски животни немале.
