Канадскиот премиер Џастин Трудо изјави дека целта на американскиот претседател Доналд Трамп е „да ја уништи канадската економија“ за да може потоа да ја „анектира“ земјата.
„Тоа е она што тој (Трамп) го сака“, рече Трудо на вчерашната прес-конференција, неколку часа по стапувањето на сила на тарифите наметнати од САД за канадските производи.
Канадскиот премиер во заминување додаде дека не знае какви преговори би можела да започне Канада со САД.
Трудо додаде дека Отава вчера рано наутро воведе царини од 25 отсто за некои американски производи, како месо, јајца, овошје и вино.
Според него, изговорот за шверц на фентанил, кој американскиот претседател го изнесе за да го оправда воведувањето царини, е „целосно лажен и неоправдан“.
„Ќе биде тешко и тешко ќе ја погоди Канада, но земјата нема да отстапи“, додаде Трудо и вети победа на Канада пo одлуката на Трамп, која тој ја опиша како „глупава“.
Обраќајќи им се на Американците, Трудо повтори дека „трговската војна“ е единствено волја на Вашингтон.
„Ние сакаме да работиме со вас како пријатели и сојузници и не сакаме да ве гледаме како страдате, но вашата влада избра да ви ја нанесе. Од утрово, пазарите се намалени и инфлацијата драматично ќе се зголеми низ вашата земја“, рече Трудо во вчерашната порака до Американците, додавајќи дека е подготвен брзо да разговара со Трамп.