Германскиот министер за правда Хајко Мас исто така се вклучи во коментарите по објавувањето на Доналд Трамп за нов претседател на САД.
На Твитер профилот Мас напиша дека светот сега ќе е едно лудо место.
“Светот нема да заврши, но ќе стане луд”, најави министерот, кој е член на Социјалдемократската партија – коалициониот партнер на демохристијаните на Ангела Меркел
Die Welt wird nicht untergehen, sie wird nur noch verrückter. (hm)
— Heiko Maas (@HeikoMaas) November 9, 2016
Тоталниот аутсајдер на политичкиот систем на САД Доналд Трамп е изненадување за сите аналитичари и социолози, ќе биде новиот претседател на САД. Бунтот на над 50 милиони избирачи против статус кво елитата во Вашингтон се покажа за сите изненадувачки масовна.
Берзански индекси паднаа до ниво, аналогни на оние по референдумот на Велика Британија за излез од ЕУ. Цената на златото нагло се зголеми, бидејќи инвеститорите бараат безбедност.