Убави вести од Италија: Во регионот Лигурија за првпат од почетокот на пандемијата нема нови случаи од коронавирус

Регионот Лигурија во северна Италија, во близина на Ломбардија, кој е најтешко погоден од вирусот „ковид-19“, е без нови случаи за прв пат од почетокот на кризата.

Според најновите податоци, нема нови смртни случаи, а 18 лица се опоравиле од вирусот „ковид-19“.

Регионалните власти соопштија дека податоците потврдуваат позитивен тренд во Лигурија по излегувањето од блокадата поради пандемијата и започнувањето на деловните активности.

Како резултат на вирусот, 389 лица се под надзор, а 25 лица со ковид-19 се во болница.

Има вкупно 1.174 активни случаи заразени со вирусот „ковид-19“, вклучувајќи 826 во провинцијата Џенова.