31 тела и делови од уште девет се откриени на местото каде се урна турскиот Boeing 747 крај Киргистан  до престолнината Бишкек, се вели во извештај  на министерот за вонредни ситуации на Киргистан Кубатбек Боронов, прренесе rt.com.

“Министерот му  соопштил на претседателот дека според прелиминарните податоци, како  резултат на инцидентот со товарниот авион Boeing 747 во реонот на аеродромот Манас загинале најмалку 31 лица,  а откриени се остатоци од уште  9 човечки тела”, се вели во пораката.

Според податоците на 24.kg, турската машина има направено два обиди да слета. Како резултат на несреќата се уништени 23 куќи.

Меѓу жртвите на инцидентот се осум жени, осум мажи, 12 малолетници, вклучувајќи шест девојчиња и пет момчиња.


На местото на инцидентот работат над 1.000 лица.

Според прелиминарните податоци, причината за падот на товарниот авион “Боинг” 747 е грешка на екипажот, соопшти на брифинг од местото на инцидентот вицепремиерот на Киргистан Мухамметкалиј Абулгазиев.

Претходно киргизските медиуми, повикувајќи се на вицепремиерот на земјата Мухамметкалий Абулгазиев, размножија имињата на членовите на екипажот. Командант на летот бил Ибрахим Гюржан Диранжи, а вториот пилот – Казим Ондул. Другите двајца членови на екипажот се Мелих Ослан и Ихсан Кожа.

Во меѓувреме, претседателот на Киргистан Алмазбек Атамбаев потпиша декрет за прогласувањето на 17 јануари на ден на жалост во земјата, во спомен на загинатите во авионската несреќа.