Да се разделиш со некого е тешко. Секој изгледа има свои рокови и начини да ja преживее разделбата. Додека некои како дa вртат еден клуч и крај, сите имаме по еден пријател (или сме овој пријател) кој веќе три месеци секоја вечер го разгледува профилот на поранешната партнерка и праќа купишта пораки во пијана состојба, пишува Business Insider.
Ако вие сте оној човек, ве разбираме в. Може да е неверојатно тешко да ги пресечеш врските и да продолжиш понатаму. Но има ли начини тоа да се случи побрзо?
Токму тоа се стреми да го открие новото видео на Bustle Love, Factually. Има ли начин кој ќе ни помогне да продолжиме напред побрзо? Повеќето мои пријатели се заколнати дека најдобар начин е “клин клин избива”, други се придржуваат до старите добри романтични комедии, но кое е најефикасното?
Според експертите начинот на кој се справуваме со болката на разделбата, се должи главно на нашата состојба на духот и гледната точка (не дека е лесно да го контролираш тоа).
Eто што е потребно да знаете за да се надмине разделбата што е можно поскоро.
1. Ако го интернализирате отфрлањето, е потешко.
Лорен Хау, научник од Универзитетот Стенфорд, работела заедно со тим од други истражувачи на студија која опфаќа над 800 лица, што открива нешто важно: луѓето кои го интернализираат отфрлањето, се справи потешко со раскинувањето.
Тоа се луѓето кои гледаат на отфрлањето како одраз на нив самите – доказ дека тие не се доволно добри или достојни за љубов. Тие потешко успеваат да продолжат понатаму во споредба со луѓето кои мислат дека отфрлањето е природен дел од животот – или дури можност за учење и напредување.
2. Луѓето со фиксно размислување страдаат повеќе од луѓето кои размислуваат за напредување.
Хау открива дека луѓето со фиксен начин на размислување, кои се убедени дека личноста не може да се промени, поминуваат повеќе време во размислување за поранешните половини отколку луѓето кои се убедени дека личноста може да расте и да се менува.
3. Но, многу истражувања утврдиле дека карактерот има биолошки димензии и е донекаде фиксен.
Да, постои такво нешто: личносните карактеристики се донекаде фиксни. Д-р Лора Браун, специјалист во областа на невронауките, споделува пред Bustle дека личноста е во голема мера биолошка, но “ние треба да знаеме да се преобратиме себе”. Ова е важен дел од процесот на надминување на разделбата.
4. Мозокот го вклучува вашиот партнер во начинот на кој гледате на себе.
Проблемот лежи во нашиот мозок. Прекунеусот е дел од мозокот кој е одговорен за автобиографската меморија. Кога сме со партнер ние почнуваме да го вклучуваме на начинот на кој гледаме на себе. Овој човек станува дел од нашата биографија и тоа е причината да се чувствуваме така растргнат кога овој човек ќе си отиде.
5. Затоа треба да формирате нови спомени без партнерот.
И така, треба да го извадите поранешниот партнер од биографијата, од начинот на кој гледате на себе. Како да го направите тоа?
Неслучајно гледаме како толку многу луѓе почнуваат нови активности или поминуваат низ големи промени по разделба. Ова е корисно бидејќи почнувате да формирате нови спомени и пишувате нов дел од биографија без човекот со кого сте биле во минатото.
разделбите секогаш ќе бидат тешки – особено ако врската е значајна – и никогаш нема да има магичен лек за сè. Но можеме да си помогнеме да ги преживееме побрзо.
Што е најважно? Да престанете да размислувате на минатото и да започнете да градиме нова иднина. Затоа е време да престанете да го пратите профилот на поранешниот партнер во Instagram, да излезете надвор и да пробате нешто ново. Ќе помогне.