Ако се сомневавте дека по такви успешни пласмани за македонските претставници во претходните две сезони на музичкото талент шоу „Пинкови ѕвездички“, веќе немаме таленти за располагање на натпревар и дека нема шанси претходните достигнувања да се повторат, погледнете ги трите видеа во продолжение! Третата сезона на натпреварот за деца само што емитуваше две епизоди, а ние имаме веќе три многу талентирани Македонки кои ги добија по сите 5 гласа од жирито.
Во првата емисија се запознавме со Мина Блажев и Александра Трајческа. 12-годишната Трајческа од Прилеп ја отпеа „Like I’m Gonna Lose You“ од Меган Трејнор и со својот сладок и кадифен глас ги растопи срцата на сите членови од жирито.
Додека 13-годишната Мина од Скопје настапи со предизвикувачката „It’s a Man’s World“ од Џејмс Браун, која ја изведе маестрално и ги воодушеви судиите, па тие ѝ порачаа дека одвај чекаат да ја видат повторно.
Но, веќе наредната емисија, добивме уште едно неочекувано изненадување! 9 годишната Драгана Јовановска од Куманово, инаку ќерка на фолк пејачката Тања Јовановска Трајкова, се претстави со темата „Проклета недеља“од „Парни ваљак“. Таа доби навистина „сјајни“ коментари (со зборовите на жирито) и исто така се пласираше директно во следниот круг.
https://www.youtube.com/watch?v=xEq4cWJyxKQ
Иако немаме можност да ги следиме емисиите на нашите телевизиски екрани, очигледно следи една сезона на пејачи со кои ќе можеме да се гордееме. Сепак, не залудно Елена прокоментира: „Ма што ќе правиме ние со вакви сјајни македонски пејачи?“