Додека водат освојувачка војна во Украина, Кремљ им се заканува и на другите соседни земји. Имено, на прашањето на еден од водечките новинари се залагаат за војна, Дмитриј Кисељов, која земја од поранешниот СССР „би можела да стане нов антируски центар“, првиот дипломат на Путин и еден од водечките јастреби на Кремљ, Сергеј Лавров, кусо рече – Молдавија.
Според Лавров, „Молдавија може да стане следната Украина“. Сепак, тој го обвини Западот, кој, според него, „ја поттикнува Молдавија против Русија и има намера таа да игра улога во проектот против Русија“. Лавров изјавил дека тенденцијата на актуелните молдавски власти „да ја внесат земјата во ЕУ и НАТО сведочи за нивната антируска политика“, пренесува Јутарњи лист.
Инаку, Молдавија веднаш по руската агресија врз Украина побара прием во ЕУ, а во јуни 2022 година заедно со Украина доби кандидатски статус, но ниту побара ниту најави прием во НАТО, особено затоа што за тоа ќе бидат потребни промени во Уставот според кој Молдавија е воено неутрална земја. Лавров директно ја нападна претседателката на Молдавија, Маја Санда, за која вели дека „ја турка Молдавија во НАТО“, дека е „романска државјанка“ и дека „подготвува обединување со Романија“.
Во Кишињев ваквите зборови на шефот на дипломатијата на Путин беа сфатени како отворена закана и сметаат дека тие можат да станат нова цел во воените планови на Путин за проширување на Русија.
Портпаролот на молдавското Министерство за надворешни работи Данијел Вода вели дека ова се „сериозни заканувачки пораки од руската дипломатија“ и дека молдавското население и власти имаат право на свои стратешки одлуки и приоритети, а членството во ЕУ е едно од нив.
Новиот шеф на молдавската разузнавачка служба SIS (Serviciul de Informationi si Securitate), Александру Мустеата, неодамна во интервју за ТВР Молдавија изјави дека „Русија планира да изврши инвазија на територијата на Молдавија со цел да го припои регионот Придњестровје“ и дека во игра се неколку сценарија за ова. Тој смета дека Русија би можела да го испроба тоа при најавената нова пролетна офанзива на истокот на Украина и дека Русите не се откажале од освојувањето на Одеса, што потоа би значело дека би можела да избие на границата со Молдавија.