Власта на СДСМ не го решава проблемот со загадувањето затоа што профитот и бизнисите и се пред здравјето на граѓаните. Во депонијата „Дрисла“ се складира отпад којшто се согорува и го загадува воздухот во Скопје со канцерогени честички, обвинуваат од опозициската ВМРО-ДПМНЕ.
Според нив, Скопје е загадено и од согорувањето на коксот со 18 проценти сулфур диоксид и обоениот текстил во 8-те фабрики на како што велат, олигарсите на Зоран Заев и Петре Шилегов.
„Не се исполнија предизборните ветувања на Петре Шилегов и Зоран Заев кога најавуваа решавање на проблемот.Петре Шилегов е три години градоначалник на Скопје, но за проблемот со загадувањето молчи, за разлика од локалните избори. Шилегов тогаш ја посочуваше депонијата „Дрисла“ како најголем загадувач на воздухот и ветуваше нејзино затворање“, се вели во соопштението.
За разлика од тогаш, велат од ВМРО-ДПМНЕ, сегашната ситуација покажува дека власта на СДСМ свесно ги загрозува животите на граѓаните. Нивната доверба во Шилегов е урнисана. Повеќе не може да им се верува на лажните ветувања на Зоран Заев и Петре Шилегов.