Во полскиот центар на НАТО избувна епидемија на легионерска болест

Епидемија на легионерска болест, предизвикана од бактеријата Легионела, избувна во Жестов, главниот град на полското Подкарпатско војводство и стратешки центар на НАТО во Европа.

Случајот го истражува и Агенцијата за внатрешна безбедност на Полска, бидејќи Жестов е стратешки важен и најдобро заштитен град – седиштето на НАТО во Европа, од каде се дистрибуира оружје за Украина, па се сомнева дека епидемијата може да биде диверзија или саботажа.

Легионелозата е болест која не се пренесува преку контакт, туку може да се пренесе со прскање вода загадена со бактерии, поради што експертите претпоставуваат дека епидемијата најверојатно настанала преку туширање, пишува Euractiv.