Украинската одбранбена разузнавачка служба во четврток наутро во соработка со морнарицата изврши истоварање на територијата на привремено окупираниот Крим. Оваа информација за украинските медиуми „Хромадска“ и „Суспилна“ ја потврдил Андриј Јусов, претставник на Одбранбената разузнавачка служба на Украина.
„Во рамките на специјалната операција беше извршен десант на полуостровот. Одбранбената разузнавачка служба на Украина во соработка со морнарицата изврши специјална операција, ја постигна целта, а меѓу персоналот немаше жртви. Специјалната операција продолжува, не ги откриваме сите детали, има загуби во живата сила на непријателот, како и во сили и средства. Податоците за бројот на жртвите се уште се собираат“, изјави кусо Јусов.
Підрозділ ГУР виконує бойове завдання на території Криму. Відео опублікували у соцмережах pic.twitter.com/d1v4VOzu5j
— hromadske (@HromadskeUA) August 24, 2023
Видеото од истоварањето беше објавено и на социјалните мрежи на ГУР на министерството за одбрана на Украина.
„Ноќта на 24 август беше одржана операција на ГУР на министерството за одбрана на Украина за поддршка на морнарицата во привремено окупираниот Крим. Специјални единици на пловни објекти пристигнаа на брегот во реонот на населбите Оленивка и Мајак“, стои во пораката објавена на Фејсбук.