Возило на Руската амбасада се судри со автомобил со кумановски таблички, едно лице во болница

Вработен во Руската амбасада со службеното возило се судрил со автомобил со кумановски таблички, информираа од МВР.

-На 05.05.2023 околу 10.50 часот во СВР Куманово било пријавено дека на магистрален пат Куманово – Крива Паланка се случила сообраќајна незгода помеѓу патничко возило „форд фокус“ со дипломатски таблички, управувано од К.А.Л.(52) од Руската Федерација и патничко возило „опел“ со кумановски регистарски ознаки, управувано од Г. Б.(46) од Куманово, стои во полицискиот билтен.

Во незгодата, со повреди се здобил Г.Б. и бил пренесен за укажување лекарска помош во болницата во Куманово.

Увид извршила екипа од СВР Куманово.