Србија има за цел да ги задржи пријателските односи со Русија и никогаш нема да се придружи кон антируските санкции, изјави синоќа српскиот претседател Александар Вучиќ во интервју за националната телевизија РТС.
epa06000990 Serbian progressive party (SNS) leader and former Prime Minister Aleksandar Vucic waves before he is sworn in as President during a ceremony in Belgrade, Serbia, 31 May 2017. Vucic won 54.9 per cent of the vote in the 2 April 2017 presidential election, securing a five-year term as President. EPA/ANDREJ CUKIC
Тој како цел на српската надворешна политика го посочи и подобрувањето на односите со Кина.
– Ние одиме по европски пат. Нашата цел е да ги задржиме стабилни пријателските односи со Русија и ние никогаш нема да воведеме санкции кон Русија. Втората наша цел е развивање односи со Кина, посочи Вучиќ на прашањето дали новата влада ќе биде прозападна.
На 15 јуни Вучиќ ја предложи Ана Барнабиќ за премиер и и порача да ги зајакне односите со Европската унија, со Русија, со Кина и со САД. Како основни задачи ги наведе зголемувањето на авторитетот на Србија на меѓународен план и развој на национачната економија.
Претседателот на Србија посочи и дека никогаш нема да ја признае независноста на Косово.
– Како можам да го признам Косово, ако над Уставот се заколнав дека никогаш немма да го признаам Косово, наведе Вучиќ.