Срам да ти е Дора Бакојани, срам да ти е, порача српскиот претседател Александар Вучиќ, наведувајќи дека за три дена се предомислила и притоа додаде: „Ах, тешка мизерија и беда.
Тој изјави дека Бакојани треба да се срами затоа што се откажала од своите принципи и три дена пред седницата на Комисијата за политички и демократски прашања на Парламентарното собрание на Советот на Европа препорача членство на Косово.
„Срамота. Се сети дека не е важна ЗСО, ни експропријацијата, ни ништо, ни Дечанскиот манастир, ниту тоа што на Србите им е ускратено правото да го користат српскиот јазик, дека се изложени на британска непропорционална сила“.
„Некои луѓе имаат кичма на меѓународната сцена, а некои немаат“, рече Вучиќ на прес-конференцијата.
Наведе дека четири пати американскиот претставник, четири пати европскиот, трипати Французинот и еднаш Италијанецот му кажале дека суштинска обврска на Приштина е формирањето на Заедницата на српските општини.