Windows 10 ќе поправи проблем со случајно губење на податоците

Microsoft работи на голема надградба на Windows 10, познатa како 20H1. Се очекува ажурираната верзија да биде објавена напролет, а меѓу другото ќе воведе измени во заштитата од случајно губење на податоците.

Една од најголемите помошни алатки во Windows 10 е Disk Cleanup, што овозможува брзо чистење на привремени датотеки што зафаќаат простор на дискот. Но, октомвриското ажурирање на Windows 10 направи корекција на оваа алатка, што предизвика корисниците да бришат и важни датотеки.

Особено, промената влијаеше на податоците во папката „преземања“ (Downloads) – многу корисници случајно ја вклучиле и оваа папка во бришењето. Затоа, по повратните информации од корисниците, Microsoft одлучи да ги отстрани „Downloads“ од алатката Disk Cleanup.