Ако верувате дека секој од 12-те хороскопски знаци има одредени карактеристики, можеби е време да се запрашате дали сте во право.
Има многу предрасуди за хороскопските знаци. Ќе се изненадите од вистинската страна на сите хороскопски знаци!
Овен – груб и агресивен
Луѓето родени во знакот на Овен имаат репутација дека имаат неконтролирани изливи на бес и импулсивни испади. Вистина е дека им недостига малку трпение, и дека лесно се лутат. Но, брзо се враќаат во нормала, па генерално е многу пријатно да се биде во нивно друштво.
Бик – тврдоглав и мрзлив
Овој земјен знак е еден од најстабилните знаци. Тие се вкоренети во реалноста и материјалниот свет. Биковите се верни на сопствените верувања, па затоа ги карактеризираат како тврдоглави. Но, тие многу го ценат балансот помеѓу работата и приватниот живот. Тие се ефикасни работници, но не се туркаат во првите редови, па околината ги доживува како мрзливи.
Близнаци – лицемерни
Погрешната перцепција на родените во знакот Близнаци како дволични луѓе кои се добри со сите доаѓа од фактот дека овој знак е многу дружељубив. Близнаците се вешти кога станува збор за одржување на односите со другите луѓе. Тие се интелигентни и љубопитни, но и прилагодливи. Брзо размислуваат и лесно ги прифаќаат промените.
Рак – драма кралица
Луѓето родени во знакот Рак се многу емотивни и интензивно го доживуваат светот околу себе. Тие имаат тенденција да се повлечат во себе и често изгледаат нерасположени. Но, нивната чувствителност ги прави сочувствителни и љубезни кога комуницираат со другите луѓе.
Лав – егоцентричен
Лавовите се сметаат за многу егоцентрични и горди. Сепак, тие се шармантни и самопожртвувани. Зрачат со топлина која ги привлекува луѓето, а можат да бидат дарежливи. Тие се исто така познати по нивната лојалност и способноста да ги заштитат своите пријатели и семејството.
Девица – остар критичар
Во знакот Девица има луѓе кои ги карактеризира перфекционизам и ориентација кон деталите. Тоа ги прави големи критичари – мета на нивните коментари често се најблиските луѓе од нивната околина. Но, зад перфекционизмот се кријат добри намери и желба да ги подобрат луѓето околу себе.
Вага – неодлучен дипломат
Неодлучноста е особина поврзана со луѓето под знакот Вага. Вагата не донесува брзи одлуки, тие имаат тенденција да мерат и важат. Изгледаат дипломатски и ладнокрвни, но зад тоа се крие желбата да ги усреќат луѓето околу себе.
Шкорпија – одмаздољубива
Луѓето родени во знакот на Шкорпија се доживуваат како интензивни, мрачни и одмаздољубиви. Се смета дека се злопамтила и не простуваат лесно. Тоа не е сосема точно. Скорпиите се многу интелигентни и можат да бидат лојални пријатели доколку ја стекнете нивната доверба.
Стрелец – непредвидлив
Родените во знакот Стрелец се сметаат за авантуристи кои не ги фаќа место и кои сакаат да истражуваат и тешко се врзуваат за некоја личност, место или ситуација. Сепак, тие не се толку необврзани. Тие се многу мотивирани и важно им е да бидат среќни, барајќи ги вистинските вредности.
Јарец – здодевен работохолик
Овој знак се однесува на амбициозни, претерано фокусирани на работата и доследно почитување на правилата. Бидејќи тие го ценат редот и дисциплината, луѓето ги доживуваат како предвидливи. Јарците сакаат да преземаат нови одговорности и да напредуваат. Во друштво на вистинските луѓе, тие се отвораат и ја откриваат својата забавна страна.
Водолија – дистанцирана и воздржана
Прагматичните и напредните Водолии се интроспективни, свртени кон внатрешниот свет. Со оглед на тоа што сакаат да ѝ дадат поголемо значење на нивната рационална страна, нивната емотивност останува скриена. Сепак, тие се грижливи, лојални и интересни – кога подобро ќе ги запознаете.
Риби – сонувачи кои бегаат од реалноста
Луѓето под знакот Риби изгледаат како да живеат во свој свет и имаат проблем да се прилагодат на реалниот живот. Вистината е дека тие се емотивни сонувачи. Тие се фокусирани на сопствениот свет, но многу заинтересирани за светот околу нив, пренесува „Lifestyleasia“.