Заев: Да ги пречекаме празниците во семејна атмосфера со помалку болни граѓани

Мерките даваат ефекти и треба да продолжиме да ги почитуваме, рече премиерот Зоран Заев кој додаде дека е реално да ги пречекаме празниците во семејна атмосфера со помалку болни граѓани, помалку загубени човечки животи.

-Пред две и пол недели кога донесовме одлука да ги затвориме угостителските објекти и полицискиот час да биде од 20 часот бројките на новозаболени беа 1520, 1480. Веќе после една недела паднаа на 1200, 1100, сега се 800, 750, 640, значи даваат ефект мерките, секако недоволен. Треба да продолжиме да ги почитуваме мерките, рече Заев.