109
Премиерот Зоран Заев вечерва откако Собранието ги усвои уставните измени кои произлегуваат од Договорот од Преспа преку својот Фејсбук профил им честита на граѓаните и на пратениците за преземената одговорност.
-Им честитам на граѓаните и на пратениците за преземената одговорност за уставните измени со којашто заедно ги отворивме вратите на НАТО и ЕУ за Република Македонија, истакна тој.
-Во исто време, изразувам благодарност до генералниот секретар на НАТО, Јенс Столтенберг, за честитката којашто телефонски ми ја упати вечерва, и со која на сите граѓани на нашата земја го честита историскиот успех и новите перспективи кои се отвораат пред нас, додаде премиерот.