Но, рече Заев не смееме да забраниме дебата.
„Не е разговарано за никаква платформа, со Ахмети разговаравме како да се вратат парите назад. Будалаштини се дека ќе бидат казнувани тие што не зборуваат албански јазик. Во моментов 33 општини се двојазични. Ги манипулираат луѓето дека се воведува двојазичност или дека парите ќе бидат двојазични. Такво нешто нема Немојте да се плашите “, рече Заев.
Лидерот на СДСМ Зоран Заев во вечерашното гостување во емисија на 24 ТВ претходно рече дека Ѓорге Иванов мора да ја повлече одлуката за недавање на мандатот на лидерот на опозицијата кој има поддршка од 67 пратеници.
„Иванов мора да го почитува Уставот. На крај тој ќе го даде мандатот. Има и други решенија, но редот е Иванов, да го даде мандатот“, рече Заев.
Заев апелираше на смиреност и да се сочува достоинството.
ГРУЕВСКИ ЈА ВОДИ ДРЖАВАТА ВО ОПАСНА СИТУАЦИЈА ЗА ШТО МОЖЕ ДА ОДГОВАРА ПРЕД МЕЃУНАРДНИТЕ СУДОВИ !
„Ваквата поделба, и носење народ, предизвикување опасни ситуации, вовлекување на државата во криза, може да понесе одговорност за Никола Груевски пред меѓународните судови, изјави лидерот на опозицијата Зоран Заев на Тв 24.
Странски експерти веќе разгледуваат и препознаваат елементи за одговорност на Никола Груевски доколку предизвика опасни ситуации вовлекување во криза на државата да одговара пред меѓународните судови, а не како што он мисли дека ќе може да се вози на домашните Сваровски судови. Не е закана туку реалност која се разгледува“, порача Зоран Заев.