Заев: Сочувствуваме со болката на семејствата на жртвите на Сребреница

од Nikola Popovski

Злосторството против човештвото врз цивилното население во Сребреница во 1995 година, засекогаш ќе остане во меморијата за ужасите на војната и на екстремните форми на национализам кои слободниот и демократски свет секогаш ќе ги осудува, објави премиерот Зоран Заев.

Тој додава дека бошњачкиот народ и светот денеска, на 26 годишнината од еден од најтрагичните настани во поновата историја на човештвото, се сеќаваат на овој голем пораз на цивилизациските вредности и ги споменуваат илјадниците невини жртви.

-Сочувствуваме со болката на семејствата на жртвите на Сребреница и жалиме за сите жртви коишто ги загубија своите животи во војната во Босна и Херцеговина. Северна Македонија, како дел од семејството европски народи, се придружи кон апелот во Резолуцијата на Европскиот Парламент од 15 јануари 2009 година која вели – „ваквите ужасни злосторства никогаш да не се повторат и 11 јули да се прогласи за Ден за комеморација и за најсилна осуда геноцидот во Сребреница“, стои во статусот на Заев на социјалните мрежи.

Слични содржини