НАТО и западниот безбедносен систем ги очекува мрачна иднина доколку Доналд Трамп, кој победи на претседателските избори во САД, соработува со рускиот претседател Владимир Путин во решавањето на украинскиот конфликт, смета колумнистот на Блумберг, Макс Хестингс.
-Европа се подготвува за нов живот на уште поголема оддалеченост од Соединетите Американски Држави отколку во кое било време од…1941 година. Поголемата слика е јасна: ако новоизбраниот претседател Доналд Трамп го исполни ветувањето дека ќе соработува со Владимир Путин за решавање на украинското прашање, иднината на НАТО и западната колективна безбедност ќе биде мрачна, пишува Хестингс.
Колумнистот претпоставува дека актуелниот американски претседател Џозеф Бајден ќе биде последниот шеф на Белата куќа кој ја сметаше безбедноста на Европа за меѓу „виталните“ интереси на Соединетите Американски Држави.
– Во политиката на Вашингтон во наредните години ќе доминира стратешкото противење на Кина, заклучува авторот.
Претходно, „Волстрит журнал“, повикувајќи се на извори, објави дека придружбата на Трамп наводно предложила замрзнување на конфликтот во Украина, создавање демилитаризирана зона долж линијата на фронтот и нови испораки на оружје во замена за ветувањето на Киев дека привремено нема да се приклучи на НАТО. Весникот не прецизираше кој точно ќе ја одржува безбедноста во демилитаризираната зона, но еден од соговорниците ја отфрли можноста тоа да се американски војници или мировници на ОН.
Републиканскиот претседателски кандидат Доналд Трамп ја победи својата противкандидатка, демократката Камала Харис на изборите на 5 ноември. Републиканците успеаја да ја преземат и контролата врз американскиот Сенат. Трамп ќе биде инаугуриран на 20 јануари 2025 година.