Дрогата била пронајдена скриена под контејнер како дел од координирана операција заснована на разузнавачки информации. Според британските власти, ова претставува шестата најголема заплена на кокаин досега регистрирана во земјата.
Чарли Исто, директор на Британските поморски гранични сили, ја пофали акцијата и ја истакна ефикасноста на граничните служби:
„Оваа заплена е само еден пример за тоа како нашите посветени поморски офицери се секогаш еден чекор пред криминалните групи кои ја загрозуваат безбедноста на Обединетото Кралство“, изјави Исто.
Тој додаде дека Велика Британија интензивно ја користи разузнавачката размена и меѓународната соработка за борба против организираниот криминал:
„Нашата порака е јасна – користиме сите ресурси за да ги нарушиме и демонтираме операциите на криминалните мрежи.“
Според Националната агенција за борба против криминалот, Обединетото Кралство е меѓу најголемите пазари за кокаин во Европа. Владата предупредува дека смртните случаи поврзани со употреба на кокаин во Англија и Велс пораснале за 31% само во периодот меѓу 2022 и 2023 година.