Поранешниот американски претседател Доналд Трамп, според проекциите на американската агенција АП, ги надмина своите ривали и победи на внатрепартиските републикански избори во американската сојузна држава Ајова, додека второто место го освои гувернерот на Флорида, Рон Десантис.
„Благодарам Ајова, ве сакам сите!!!“, напиша Трамп на социјалните мрежи.
На изборите излегоа повеќе од 60 отсто од гласачите, а Трамп доби 50,6 отсто од гласовите, додека Десантис освои 21,4 отсто од гласовите.
Поранешната амбасадорка во ОН, Ники Хејли, беше позиционирана зад нив, според анкетата спроведена од АП.
Со оглед на тоа дека победата на Трамп беше очекувана, според анкетите на јавното мислење, главната борба се водеше за второто место меѓу Десантис и Хејли и кој ќе биде главната алтернатива на Трамп за републиканската претседателска номинација на претстојните избори во ноември.