Збор од 51 буква, е поврзан со австриските претседателски избори, беше прогласена денеска за зборот на 2016 година во Австрија, соопшти “Франс прес”.
Станува збор за тешко изговорлив неологизам кој на германски изгледа вака: Bundesprаsidentenstichwahlwiederholungsverschiebung.
Во превод: Одложување на повторувањето на вториот круг од претседателските избори.
Овој долг неологизам победи со 10.000 гласа на овогодинешното барање за збор на годината, организиран од Универзитетот во градот Грац.
На Австрија и беа потребни 350 дена за да избере претседател. Во пролетта се одржаа избори во два круга. Интервалот помеѓу нив беше од еден месец. Со мала предност победи независниот кандидат Александер ван дер Белен. Но Партијата на слободата, на второ рангираниот Норберт Хофер, поднесе жалба до Уставниот суд, кој донесе одлука за повторување на вториот круг поради процедурални прекршувања.
Закажан беше нов датум на почетокот на октомври. Но поради дефектно лепило гласовите кои пристигнуваа по пошта, беа добиени во отворени коверти. поради ова беше одлучено ново одложување и така дојде до гласање на 4 декември, на кој Ван дер Белен пак победи.
Токму во октомври по одложувањето на повторувањето на вториот круг, се појави неологизмът, заработувајќи гласањето за збор на годината во Австрија.
Според жирито на конкурсот должината на зборот победник иронично симболизира и времетраењето на претседателските избори во Австрија, идентификувани од страна на некои аналитичари како “претседателски маратон”.