Еден од најголемите германски дневни весници, „Зидојче цајтунг“, објавил дека ситуацијата со Ковид-19 во Хрватска е „алармантна“, за што сведочи и екстремно високиот процент на позитивни резултати од тестовите. Затоа, се заклучува дека „Хрватска премалку тестира“.
„Таму лабораториските лекари докажуваат присуство на коронавирус во повеќе од 12 проценти од сите тестови, што е убедлив доказ дека оваа земја не тестира доволно“, пишува весникот.
„Зидојче цајтунг“ понатаму објавува дека „засега германската федерална влада ги третира само ризичните окрузи Шибеник-Книн и Сплит-Далмација“. Во написот се вели дека моменталната инциденца на позитивни случаи во Хрватска е „под 50“, што однесува на бројот на новооткриени неделно на 100.000 жители:
„Сепак, со оглед на малиот број тестови, оваа вредност има поголемо значење“.
Весникот цитираше портпарол на германското Министерство за здравство дека „во моментов е непропорционално“ да се прогласи цела Хрватска за област со висок ризик, како и дека „не може точно да каже дали целата земја тестира во доволно голем број“.
Во неделата од 21 до 27 август, весникот се повикува на резултатите од институтот Роберт Кох за увоз на случаи на коронавирус од Хрватска:
„Само во таа недела дошле 940 позитивни случаи од Хрватска во Германија, колку што немало дури од ниедна друга земја. Вистинскиот број може да биде значително поголем, бидејќи Хрватска веќе подолго време не се смета за област на ризик и повратниците од таму не морале да бидат тестирани“.