За среќа, водечки експерти по спиењето го објаснуваат ова прашање, пишува Brightside. Секој знае дека 8 часа на ден е доволно време за спиење за просечниот човек. Но, додека за некои тоа е неоспорен факт, за други многу често претставува тешкотија да стануваат рано без разлика во кое време си легнале. Зошто се случува ова? Се разбира сите луѓе се различни. Некои се “чучулига” – рани птици, додека другите се “ноќни птици”.
Останатиот дел од луѓето се некаде во средината. И покрај овие разлики, мал процент од нив сакаат да стануваат рано наутро, в зори. Истражувачите од Оксфордскиот универзитет откриле дека работниот распоредот на повеќето вработени е во спротивност со деноноќниот ритми (циклуси на физичките, психичките и однесувачките промени во рамките на ден). Ова може да доведе до многу нарушувања на здравјето, вклучувајќи ментални и физички проблеми, анксиозност, прекумерна тежина и висок крвен притисок. Деца на возраст меѓу 8 и 10-годишна возраст треба да почнуваат со училиште не порано од 08:30 часот., А оние од 16 до 18-годишна возраст треба да почнуваат во 10 часот или подоцна.
Резултатите од истражувањето покажуваат дека раниот почеток на работниот ден, може да биде нездраво за луѓето. Возрасните, исто така може да имаат корист од подоцнежно станување. Според научниците, луѓето меѓу 18 и 55 години треба да започнат со работа во 10 часот или потоа. Младите меѓу 14 и 24 години губат околу 2 часа спиење на вечер. Кај луѓето меѓу 24 и 30 години просечната загуба на спиење ноќе е околу час и половина. Така секој ден, во кој не сме се наспале се додава кон следниот, додека не успееме да надокнадиме. Истражувачите исто така тврдат дека часовите поминати пред компјутер, телефон и други уреди можат да имаат негативно влијание врз квалитетот на сонот . Затоа исклучувањето најмалку 1 час пред спиење може да го направи сонот повеќе здрав и мирен. На крајот е време да се обрне внимание на ова прашање и да се менуваат часовите во кои почнуваме со работа – не можеме да ја измамиме мајката природа.