ЛИСА КУДРОУ, sвездата на серијата „Пријатели“, е едно од првите јавно познати имиња што ќе бидат дел од музичката комедија на Дизни, „Better Nate Than Ever“. Продукцијата е потпишана од Марк Плат, кој претходно работеше на филмовите La La Land, Mary Poppins Returns и Cruella, пишува порталот Deadline.
Писателот Тим Федерле ќе ја преведе содржината на неговата книга во сценарио за семеен филм што исто така ќе го режира.
Заплетот на филмот се базира на романот на Федерле за тринаесетгодишниот Нејт Фостер од Питсбург, кој оди на голема музичка аудиција во Њујорк со неговиот најдобар пријател Либи, откако никој од нив не успеа да се најде на аудиција за училишната претстава.
Случајна средба со долго изгубената тетка Хајди на Нејт, која ја игра Кудроу, целосно го менува текот на настаните. Утврдено е дека двајцата можеби си требаат едни со други за да ги остварат своите соништа.
Снимањето во моментов е во тек на локации во Њујорк, а изборот на актери за улогите на Нејт и Либи започна на почетокот на оваа година и е во завршна фаза.
Ликот кој ќе ја отелотвори Лиса Кудроу во филмот нема да пее. „Deadline“ пишува дека „во него нема песни за смрдливи мачки“.
Кудроу неодамна се појави на повторниот собир на „Пријателите“, откако претходно глумеше во серијата Фокс „Housebroken“ и во втората сезона на серијата Feel Good на Нетфликс.
Актерката ќе биде и дел од екипата во комедијата Boss Baby 2.