Поранешниот опозиционер, а сега пратеник од владејачката Српска напредна партија, Жика Гојковиќ, со шише ја удрил во главата пратеничката на Социјалдемократската партија на Србија, Јасмина Каранац, покажуваат снимките од Собранието на Србија.
На денешната хаотична седница на српското Собрание, пратеничката Јасмина Каранац била погодена со шише во главата, по што пристигнала брза помош. Сепак, како што може да се види на видеото од емитувањето на парламентот, ова шише полета од правецот каде што седеа пратениците од владејачкото мнозинство, пренесува Нова.рс.
Momenat kada SNS mafijas Zika Gojkovic pogadja Jasminu Obradovic, SNS pic.twitter.com/T8POqYGqcR
— Generalni Strajk Srbija – Gen. Strike 🇷🇸 (@KrahSNSa) March 4, 2025
Во еден момент пратеничката Јасмина Каранац била погодена со шише во главата, по што претседателката на Собранието Ана Брнабиќ на насобраните им кажала дека пристигнала брза помош за да ја земе.
Како што може да се види на видеото, ова шише одлетало од правец на пратеникот од владејачкото мнозинство, а како што се гледа, шишето го фрлил Гојковиќ.
Гојковиќ стана член на СНС во октомври 2023 година, а претходно се претставуваше како опозиционер.
– Ја имаме пратеничката Јасмина Каранац која исто така се здоби со тешки телесни повреди од шок бомба во главата – рече Брнабиќ.
Ана Брнабиќ претходно истакна дека пратеничката Јасмина Обрадовиќ доживеала мозочен удар кога била фрлена шок бомба и дека се бори за живот.
– Продолжуваме со работа, луѓе, сакам да ги информирам граѓаните на Република Србија дека пратеничката Јасмина Обрадовиќ мораше да излезе и беше однесена со брза помош, но Србија мора да продолжи да работи, седнете на вашите места, јас продолжувам да работам – рече таа.