Судскиот совет на Република Македонија на денешната седница со 11 гласа „за“ и два „против“ Иван Џолев го избра за претседател на Основниот суд Скопје 1.
За ова место, се кандидираа судиите Владимир Панчевски, Ивица Стефановски, Верка Петковска, Осман Шабани, Ѓоко Ристов и Весна Димишкова.
Судијата Оља Ристова ја повлекла кандидатурата за претседател на Скопскиот кривичен суд, информираа на седницата на Судскиот совет.
Претходно беше констатирана оставката на в.д. претседателот на Скопскиот кривичен суд Стојанче Рибарев кој, како што беше речено на седницата, оставката ја поднел поради здравствени причини, односно хируршка интервенција. Советот денеска ќе ги разгледа и оцени извештаите за работата на судовите за третото тримесечје од годинава.