По 4 повредени пратеници, специјалната полиција влегува во Собранието

Насилните демонстранти по влегувањето во законодавниот дом со фантомки на главите нападнаа повеќе пратеници меѓу кои лидерот на опозицијата Зоран Заев, Дамјан Манчевски, Максим Димитриевски и други. Меѓу повредените, најтешко повреден пратеникот Зијадин Села.

При влегувањето демонстрантите кршеле во ходниците, а по насилното заземање на прес центарот почнале да фрлаат и напаѓаат со камери, стативи и сите расположливи предмети. Присутните новинари известија и за истрел од пиштол.

Полицијата пристигнува во Собранието во моментов, два часа по влегувањето на демонстрантите, откако претходно амбасадорите повикаа на одговорност од Министерството за внатрешни работи.