Американскиот Конгрес го поддржа законот со кој им се овозможува на семејствата на жртвите на терористичките напади од 11 септември 2001 година да ја тужат Саудиска Арабија, пишува „Вашингтон пост“.
Законот е одобрен со усно гласање. Според конгресмените кои го поддржале законот тие гласале за него од морални причини и сакаат на семејствата на загинатите да им дадат можност да дојдат до вистината.
Законот може да биде укинат со вето на претседателот. Противниците на судскиот процес со Саудиска Арабија сметаат дека тој може да ја поткопа соработката со еден од најважни стратешки партнери на државата.
Доколку претседателот Барак Обама не стави вето на законот во рок од десет дена, тој автоматски ќе стапи во сила.
САД оваа година одбележуваат 15-години од нападите на 11 септември./MИа