Претседателскиот кандидат на владејачката коалиција и лидер на Српската народна странка, Александар Вучиќ победи на претседателските избори во Србија во првиот круг, соопштија вчера агенцијата „Ипсос“ и Центарот за слободни избори и демократија (ЦеСИД) од Белград.
SRBIJA VUČIĆ KRIMINAL
Според ЦеСИД, на примерок од 72,2 отсто од обработените податоци, Вучиќ освоил 56,1 отсто од гласовите.
На второ место е поранешниот омбудсман Саша Јанковиќ со 15,2 отсто од поддршката, а на трето Лука Максимовиќ (Љубиша Прелетачевиќ Бели), со 9,5 проценти од гласовите, додека поранешниот шеф на дипломатијата Вук Јеремиќ е четврт со 5,8 проценти од освоените гласови.
И според агенцијата „Ипсос“ врз основа на 73,6 проценти од обработените податоци, Вучиќ победил во првиот круг со 55,2 отсто од освоените гласови.
Според оваа агенција, на второ место е кандидатот Саша Јанковиќ, кој освоил 16,1 отсто од гласовите.
На трето место е Лука Максимовиќ (Љубиша Прелетачевиќ Бели) со 9,4 отсто, а на четврто Вук Јеремиќ со 5,7 проценти поддршка од избирачите./извор Мета