Економија и живот за сите во Македонија, силни професионални институции и правда, ЕУ и НАТО и перспективи за сите се трите темели на кои ќе се посвети новата реформска влада, рече во експозето мандатарот Зоран Заев.Новата влада ќе работи напорно, со акцент на економијата, за поквалитетен живот на сите граѓани,за поголем извоз на домашните компании,за создавање предвидлива деловна клима.
Ќе се објави вистинската бројка за долгот на Македонија,ќе се врати ефтината струја за викенд, дел од институциите ќе рбаотата двосменски а пациентите ќе добијат бесплатно болничко лекување, најави Заев
– Цел ни е просечен раст поголем од 5 % за време на мандатот, минималната плата законски ќе ја зголемиме на 12 000 денари за сите од текстилот, кожарството. Доста е од реваншизми, партиски отпуштања, никој да не се плаши за работното место, рече Заев.
Најсериозната реформа ќе биде реформата во судството.Ќе се создадат услови за независен и ефикасен правосуден систем,рече Заев и затоа е потребен реизбор на судиите далеку од рацете на политичарите.
– Ќе се отвори специјален оддел во Основниот суд Скопје 1 , се што е во наша моќ за да се заокружиат случаите на СЈО, нови механизми за контрола на следење на комуникациите, рече Заев.
Заев во експозето вети и нов закон за спорт, 600 милиони евра за инфраструктурни проекти, и 160 милиони евра земјоделски субвенции.Не чекаат големи предизвици и сериозни реформи, бидејки општеството е урнато рече тој ветувајки дека ќе обединува а не дели, перспективи а не изолација.
Граѓанското општество според кажаното во експозето треба да се третира како партнер бидејки насушно потребна е општествена зрелост.
Подавам рака кон секого,рече Заев на Македонија и требаат граѓани кои размислуваат и дејствуваат, интелектуалци што ќе се вградат во општеството.